Dil se dhadakan khoon se azm-e-safar le jayega
waqt ik din chin kar sare hunar le jayega
han dua mangi thi lekin ye to socha bhi na tha
mausam-e-barasat sab divar-o-dar le jayega
aj is titali ko in phoolon pe udane dijiye
kal koi jhonka hawa ka is ke par le jayega
tu kisi andhe kuyen mein jaye to ye jan le
sath sath apne ye meri bhi nazar le jayega
dusaron ke ghar mein pathar phenkane wale ye soch
tu bacha kar kis tarah shishe ka ghar le jayega
shahar ke sadakon pe mere sath mat nikalo abhi
jo bhi dekhega uda kar ye khabar le jayega
sar-bulandi jis ka manasab hai wo jhuk sakata nahi
dast-e-qatil us ka khud neze pe sar le jayega
Poet of the Poem / Ghazal or Nazam : Azeem Amrohvi
No comments:
Post a Comment