Jalti Shamain, Roshan Chehrey
Kaasni Lariyaan, Nazuk Sehrey
Nargis, Bela, Motiya, Lala
Juhi, champaa aur banafshaa
Har Koi Dekho Shaad Hai Naa
Aaj Tumhari Salgirah Hai
Dekho Hum Ko Yaad Hai Naa
Hum To Sirf Dua-Go Log
Khaak-O-Mehr Ka Kiya Sanjoag
Pas Rahen Ya Doorr Rahen
Wehshat Se Ranjoor Rahen
Mehfil To Abad Hai Naa
Aaj Tumhari Salgirah Hai
Dekho Hum Ko Yaad Hai Naa
Kaise Kaise Khuwab Buney
Rang Ba’range Phool Chuney
Un Ke Hath Pe Hath Rahe Ga
Salgirah Ka Cake Katey Ga
Khuwab Har Ik Barbaad Hai Naa
Aaj Tumhari Salgirah Hai
Dekho Hum Ko Yaad Hai Naa
Tum Ko Yaad Bhi Nahi Rehteen
Hamari Choti Choti Khushiyan
Tum Ko To Shayad Ehsaas Bhi Nahi Hai
Ke Hum Kitne Betaab Hue The Ek Din
Ke Shayad Ab Tum Kaho Ge
Happy Birthday To You
Magar Hamari Muntazir Saa’aton Mai
Tumhare Iss Jumley Ka Rass Na Tapka
Magar Aao, Suno Aur Mehsoos Karo
Hum Tum Se Kehte Hain
Apni Mohabbat Ki Tamam Tar Shiddaton Ke Sath
Happy Birthday To You
Share with us more Salgirah poetry ..in comments section below
No comments:
Post a Comment