Bikharate tutate lamhon ko apana hamsafar jana
tha is rah mein aakhir hamen khud bhi bikhar jana
hawa ke dosh par badal ke tukde ke tarah hum hain
kisi jhonke se puchenge ki hai hum ko kidhar jana
mere jalate hue ghar ke nishani bas yahi hogi
jahan is shahar mein roshni dekho thahar jana
pas-e-zulmat koi suraj hamara muntazir hoga
isi ek vaham ko hum ne chirag-e-rahguzar jana
dayar-e-khamashi se koi rah-rah kar bulata hai
hamen “makhmoor” ek din hai isi aavaz par jana
Poet of the Poem / Ghazal or Nazam : Makhmoor Saeedi
No comments:
Post a Comment