Zakhm-e-tanhai mein khushbu-e-hina kisaki thi
saya divar pe mera tha sada kisaki thi
uski raftar se lipati rahi meri aankhen
us ne mud kar bhi na dekha ki wafa kis ke thi
waqt ke tarah dabe panv ye kon aaya hai
main andhera jise samajha wo qaba kis ke thi
aansuon se hi sahi bhar gaya daman mera
hath to main ne uthaye the dua kisaki thi
meri aahon ke zaban koi samajhata kaise
zindagi itni dukhi mere siva kisaki thi
aag se dosti us ke thi jala ghar mera
di gai kis ko saza aur khata kisaki thi
main ne binaiyan bo kar bhi andhere kate
kis ke bas mein thi zamin abr-o-hava kis ke thi
chod di kis liye tu ne “muzaffar” duniya
justju si tujhe har waqt bata kisaki thi
Poet of the Poem / Ghazal or Nazam : Muzaffar Warsi
No comments:
Post a Comment