Taaron Ki Tarha Hum Ne

Taaron Ki Tarha Hum Ne

Ek Shaks Ko Chaaha Tha

Apno Ki Tarha Hum Ne

Ek Shaks Ko Samjha Tha

Phoolon Ki Tarha Hum Ne

Wo Shaks Qayamat Tha

Kya Us Ki Karen Baaten

Din Us K Liye Paida

Aur Us Ki Hi Thi Raaten

Kab Milta Kisi Se Tha

Hum Se Thi Mulaqaten

Rang Us Ka Shahaabi Tha

Zulfon Me Thi Mehkaaren

Aankhen Thi K Jadu Tha

Palken Thi K Talwaaren

Dushman Bhi Agar Dekhe

Sau Jaan Se Dil Haaray

Kuch Tum Se Hi Wo Milta Tha

Baaton Me Shabaahat Thi

Haan Tum Sa Hi Lagta Tha

Shokhi Me Sharaarat Me

Lagta Bhi Tumhi Sa Tha

Dastoor-e-Mohabbat Me

Wo Shaks Humen Ek Din

Apno Ki Tarha Bhoola

Taaron Ki Tarha Dooba

Phoolon Ki Tarha Toota

Phir Hath Na Aaya Wo

Hum Ne To Bohat Dhoonda

Tum Kis Liye Chonkay Ho

Kab Zikr Tumhara Hai

Kab Tum Se Taqaaza Hai

Kab Tum Se Shikaayat Hai

Ek Taaza Hiqaayat Hai

Sun Lo To Enaayat Hai

Ek Shaks Ko Chaaha Tha

Taaron Ki Tarha Hum Ne...