jab namaz-e-muhabbat ada kijiye
gair ko bhi sharik-e-dua kijiye
aankh wale nigahen churate hain
aaina q na ho samana kijiye
aankh mein ashk-e-gam aa bhi jayen to kya
chand qatre to hain, pi liya kijiye
aap ka ghar sada jagamagata rahe
rah mein bhi diya rakh diya kijiye
zer-e-pa hain samandar ke gaharaiyan
ab to sahil pe bhi tajurba kijiye
Poet of the Poem / Ghazal or Nazam :Shanti Saba
No comments:
Post a Comment