Ishq Ka Jadu
Mera Tamam Fan Meri Kavish Mera Riyaz
Ik Na-Tamam Git Ke Misare Hain Jin Ke Bich
Mani Ka Rabt Hai Na Kisi Kafiye Ka Mel
Anjam Jis Ka Tay Na Hua Ho Ik Aisa Khel
Meri Mata Bas Yahi Jadu Hai Ishq Ka
Sikha Hai Jis Ko Main Ne Badi Mushkilon Ke Sath
Lekin Ye Sahir-E-Ishq Ka Tohfa Ajib Hai
Khulata Nahin Hai Kuchh Ke Haqiqat Men Kya Hai Ye
Taqadir Ki Ata Hai Ya Koi Saza Hai Ye
No comments:
Post a Comment