Chehre Pe Mere Zulf Ko Phailao Kisi Din
Kya Roz Garajate Ho Baras Jao Kisi Din
Razon Ki Tarah Utaro Mere Dil Men Kisi Shab
Dastak Pe Mere Hath Ki Khul Jao Kisi Din
Pedon Ki Tarah Husn Ki Barish Men Naha Lun
Badal Ki Tarah Jhum Ke Ghir Ao Kisi Din
Khushbu Ki Tarah Guzaro Mere Dil Ki Gali Se
Phulon Ki Tarah Mujh Pe Bikhar Jao Kisi Din
Phir Hath Ko Khairat Mile Band-E-Qaba Ki
Phir Lutf-E-Shab-E-Vasl Ko Doharao Kisi Din
Guzaren Jo Mere Ghar Se To Ruk Jayen Sitare
Is Tarah Meri Rat Ko Chamakao Kisi Din
Main Apani Har Ik Sans Usi Rat Ko De Dun
Sar Rakh Ke Mere Sine Pe So Jao Kisi Din
No comments:
Post a Comment