Biwi Pakistan Gai Hai

Gher Ke Kamon Se Ghabra Ker
Apni Job Se Aajiz Aa Ker
6 Hafte Ki Chutti Pa Ker
Ker Ke Gher Sunsaan Gai Hai
Biwi Pakistan Gai Hai

Sone Ke Set Banwaye Gi
Shaan Masale Bhi Laye Gi
Suit Bohut Se Silwaye Gi
Silk Ke Le Ke Thaan Gai Hai
Biwi Pakistan Gai Hai

Aish Karon Gi Amma Ke Gher
Kaam Karain Ge Noker Chaker
Car Main Le Jaye Ga Shofer
Le Ke Yeh Arman Gai Hai
Biwi Pakistan Gai Hai

Pannu Main Rehte Hain Aakil Chacha
Changa Manga Main Taya Hai
Sab Se Mil Ker Ana Hai
Bana Ke Sare Plan Gai Hai
Biwi Pakistan Gai Hai

Boli Rehna Ache Soher
Dafter Se Seedhe Ana Gher
Jate Jate Haath Main De
Biwi Pakistan Gai Hai

Trah Trah Ke Khane Paka Ker
Bher Dala Sara Freazer
Take Main Na Khaon Bahir
Kerk Ke Poora Etminan Gai Hai
Biwi Pakistan Gai Hai

Ik Din Phone Kiya Us Ke Gher
Bole Us Ke Mama Asgher
Who To Le Ke Sara Tabber
Aaj Subah Hi Multan Gai Hai
Biwi Pakistan Gai Hai

Dhoop Or Germi Se Aa Ker Tang
Mela Huwa Jab Us Ka Rang
Apni Ik Saheli Ke Sang
Wahan Se Kaghan Gai Hai
Biwi Pakistan Gai Hai

Aati Hai Us Ki Email Baraber
Kehti Hai Mujhe Ko Bhejo Doller
Phas Mushkil Main Jaan Gai Hai
Hoton Ki Mare Muskan Gai Hai
Biwi Pakistan Gai Hai