Dil hai hire ke kani jism gulabon vala
mera mahbub hai darasl kitabon vala
husn hai rang hai shokhi hai ada hai us mein
ek hi jam magar kitni sharabon vala
yar aaina hua karte hain yaron ke liye
tera chehara to abhi tak hai naqabon vala
mujh se hogi nahi duniya ye tijarat dil ke
main karun kya ke mera zahan hai khwabon vala
tu rahega na tere zulm rahenge baqi
din to aana hai kisi roz hisabon vala
husn-e-bebak se ho jati hain aankhen roshan
dil mein utara hai magar rup hijabon vala
jo nazar aata hai hasil nahi hota ‘manzar’
zindagani ka safar bhi hai sarabon vala
Poet of the Poem / Ghazal or Nazam : Manzar Bhopali
No comments:
Post a Comment