Meri zindgi to firaaq hy, wo azal sy dil mein makeen sahi
Wo nigah_e_shoq sy door hen,rag_e_jaan sy laakh qareeb sahi.
Sr_e_toor ho, sr_e_hashr ho, hmen intezar qabool hy.
Wo kbi milen, wo kahin milen, wo kbi sahi wo kahin sahi.
Mera unpe jo bas nahi, to na sahi, k ye ashqi hy hawas nahi.
Mein unhi ka tha, unhi ka hun, wo mery nahi to nahi sahi.
Jo ho fesla wo sunaiye, isay hashr py na uthaiye.
Jo krengy ap sitam wahan,wo abi sahi wo yahin sahi.
Usy dekhny ki jo lo lagi, to dekh hi lengy qateel hm.
Wo hazaar ankh sy door ho, wo hazaar parda nasheen sahi
No comments:
Post a Comment