Mere dil mere musafir
hua phir se hukm sadir
ke vatan badar hon hum tum
den gali gali sadayen
karen rukh nagar nagar ka
ke surag koi payen
kisi yar-e-namabar ka
har ek ajanabi se puchen
jo pata tha apne ghar ka
sar-e-ku-e-nashanayan
hamen din se raat karana
kabhi is se baat karana
kabhi us se baat karana
tumhen kya kahun ke kya hai
shab-e-gam buri bala hai
hamen ye bhi tha ganimat
jo koi shumar hota
hamen kya bura tha marana
agar ek bar hota
Poet of the Poem / Ghazal or Nazam : Faiz Ahmed Faiz
No comments:
Post a Comment