Dariya-e-ashk chashm se jis aan bah gaya
sun lijiyo ki arsh ka aivan bah gaya
zahid sharab pine se kafir hua main q
kya dedh chullu pani mein iman bah gaya
yun roye phut phut ki panvon ki aabale
nala sa ek su-e-biyaban bah gaya
kashti savar-e-umr hun bahr-e-fana mein main
jis dam baha ki le gaya tufan bah gaya
tha ‘zauq’ pahale dilli mein panjab ka sa husn
par ab wo pani kahate hain multan bah gaya
Poet of the Poem / Ghazal or Nazam : Ibrahim Zauq
No comments:
Post a Comment