Udaas Chand Khulay Paaniyon Mein Chhorr Gaya
Woh Apna Chehra Mere Aansu-On Mein Chhorr Gaya
Hawa K Jhonkay Se Larzi Thi Aik Shaakh-E-Gul
Kissi Ka Dhayaan Mujhe Khushbu-On Mein Chhorr Gaya
Galay Milay Thay Muhabbat Ki Taiz Dhoop Mein Hum
Yeh Kaun Urrtay Huay Baadlon Mein Chhorr Gaya
Yeh Kiss Ne Hum Ko Sajaya Geeli Mitti Se
Phir Is K Baad Ghhani Baarishon Mein Chhorr Gaya
Safar K Pehlay Parraao Mein Marnay Wala Shakhs
Ajeeb Khauf Humaray Dilon Mein Chhorr Gaya
Is Ehtamaam Se Bikhray Huay Hain Phool HASSAN
Nishani Jaisay Koi Raaston Mein Chhorr Gaya..!!
No comments:
Post a Comment