Bas ik jhijhak hai yahi hal-e-dil sunane mein
ki tera zikr bhi aayega is fasane mein
baras padi thi jo rukh se naqab uthane mein
wo chandani hai abhi tak mere garib-khane mein
isi mein ishq ke qismat badal bhi sakati thi
jo waqt bit gaya mujh ko aazamane mein
ye kah ke tut pada shakh-e-gul se aakhiri phul
ab aur der hai kitani bahar aane mein
Poet of the Poem / Ghazal or Nazam : Kaifi Azmi
No comments:
Post a Comment