Tune dekha hai kabhi ek nazar sham ke bad
kitne chup-chap se lagate hain shajar sham ke bad
itane chup-chap ke raste bhi rahenge la-ilm
chod jayenge kissi roz nagar sham ke bad
main ne aisee hi gunah teri judai mein kiye
jaise tufan mein koi chod de ghar sham ke bad
sham se pahale wo mast apni udanon mein raha
jis ke hathon mein the tute hue par sham ke bad
raat biti to gine aable aur phir socha
kon tha bais-e-agaz-e-safar sham ke bad
tu hai suraj tujhe malum kahan raat ka dukh
tu kisi roz mere ghar mein utar sham ke bad
laut aaye na kissi roz wo aawara majaz
khol rakhte hain isi aas pe dar sham ke bad
Poet of the Poem / Ghazal or Nazam : Farhat Abbas Shah
No comments:
Post a Comment