Zulf o rukkh k saye mai zindagi guzari hai
Dhoop bhi hamari hai chhao’n bhi hamari hai
Gham ghusar chehro’n par aitebar mat karna
Shehr mai siasat k dost bhi shikari hai
Morh lene wali hai zindagi koi shayad
Abb k phir hawao’n mai aik be qarari hai
Ik ajeeb thandak hai uss k narm lehjey mai
Lafz lafz shabnam hai baat baat pyari hai
Kutch to payengey uski qurbato’n ka khamyaza
Dil to ho chukey tukrhe abb saro’n ki baari hai
Baap bojh dhota tha kya jahez de pata
Iss liye wo shehzadi aaj tak kunwari hai
Keh do MEER O GHALIB se hamm bhi shair kehte hain
Wo sadi tumhari thi ye sadi hamari hai
Share with us more Manzar bhopalis best shair in Comments Section below.
No comments:
Post a Comment