Dard ki had se guzarana to abhi baqi hai
toot kar mera bikharana to abhi baqi hai
pas aake mera dukh-dard batanevale
mujhase katara ki guzarana to abhi baqi hai
chand sheron mein kahan dhalati hai ehasas ki aag
gham ka ye rang nikharana to abhi baqi hai
rang-e-rusvai sahi shahar ki divaron par
naam “rashid” ka ubharana to abhi baqi hai
Poet of the Poem / Ghazal or Nazam : Rashid Kamil
No comments:
Post a Comment