Hum mohabbat ke talabgaar hue
Kaisey dhokey main giraftaar hue
Zulm se bhi siwa sitam yeh hua
Log zaalim ke tarafdaar hue
Ahl-e-dil waqt ke rahber the kabhi
Ab magar waqt ki raftaar hue
Dil me jo baat bhi aayi keh di
Umr bhar hum na smajh-daar hue
Hum koi Yusuf-e-Kanaan na the
Yunhi ruswa sar-e-bazaar hue
Dard ki jins-e-giraaN leta kaun
Ik faqat hum hi khridaar hue
Zindagi maut ke pardey me rahi
Khwaab dar khwaab hi bedaar hue
Share with us more Maut shayari in urdu in Comments Section below.
No comments:
Post a Comment