Ye chirag benazar hai ye sitara bezuban hai
abhi tujhase milta julata koi dusara kahan hai
wohi shakhs jisape apne dil-o-jan nisar kar dun
wo agar khafa nahi hai to zarur badaguman hai
kabhi pa ke tujh ko khona kabhi kho ke tujh ko pana
ye janam janam ka rishta tere mere daramiyan hai
mere sath chalanevale tujhe kya mila safar mein
wohi dukh bhari zamin hai wohi gham ka aasman hai
main isi guman mein barason bada mutmain raha hun
tera jism betagaiyyur hai mera pyar javidan hai
unhin raston ne jin par kabhi tum the sath mere
mujhe rok rok pucha tera hamasafar kahan hai
Poet of the Poem / Ghazal or Nazam :Bashir Badr
No comments:
Post a Comment