Khushi ne mujh ko thukaraya hai ranj-o-gam ne pala hai
gulon ne berukhi ke hai to kanton ne sambhala hai
muhabbat mein khayal-e-sahil-o-manzil hai nadani
jo in rahon mein lut jaye wohi taqadir vala hai
charagan kar ke dil bahala rahe ho kya jahan valo
andhera lakh raushan ho ujala phir ujala hai
kinaron se mujhe ae nakhuda dur hi rakhna
vahan lekar chalo tufan jahan se uthane vala hai
nasheman hi ke lut jane ka gham hota to kya gham tha
yahan to bechane valon ne gulashan bech dala hai
Poet of the Poem / Ghazal or Nazam : Ali Ahmed Jalili
No comments:
Post a Comment