Dil mein ab yun tere bhule huye gham aate hain
jaise bichde huye kabe mein sanam aate hain
ik ik kar ke huye jate hain tare raushan
meri manzil ke taraf tere qadam aate hain
raqs-e-may tez karo, saz ke lay tez karo
su-e-maikhana safiran-e-haram aate hain
kuch hamin ko nahi ehsaan uthane ka dimag
wo to jab aate hain mail-ba-karam aate hain
aur kuch der na guzri shab-e-furqat se kaho
dil bhi kam dukhata hai wo yaad bhi kam aate hain
Poet of the Poem / Ghazal or Nazam : Faiz Ahmed Faiz
No comments:
Post a Comment