chandani ko rusul kehta hun
bat ko bausul kehta hun
jagamagate hue sitaron ko
tere pairon ke dhul kehta hun
jo chaman ke hayat ko das le
us kali ko babul kehta hun
ittefaqan tumhare milane ko
zindagi ka husul kehta hun
aap ke sanvali si surat ko
zauq-e-yazdan ke bhool kehta hun
jab mayassar ho sagar-o-mina
barqparon ko phul kehta hun
Poet of the poem/ghazal or Nazam: Sagar Siddiqui
No comments:
Post a Comment