mohabbat karanevale kam na honge
teri mahafil mein lekin hum na honge
zamane bhar ke gham ya ik tera gham
ye gham hoga to kitne gham na honge
dilon ke ulajhanen badati rahengi
agar kuch mashvare baham na honge
agar tu ittafaqan mil bhi jaye
teri furqat ke sadamen kam na honge
‘hafeez’ un se main jitana badguman hun
wo mujh se is qadar barham na honge
Poet of the Poem / Ghazal or Nazam :Hafeez Hoshiarpuri
No comments:
Post a Comment