Ye karen ya wo karen aisa karen vaisa karen
zindagi do din ke hai do din mein hum kya kya karen
jee mein aata hai ki den parde se parde ka javab
hum se wo parda karen duniya se hum parda karen
sun raha hun kuch lutere aa gaye hain shahar mein
aap jaldi band apne ghar ka daravaza karen
is purani bevafa duniya ka rona kab talak
aaiye mil-jhul ke ik duniya nai paida karen
Poet of the Poem / Ghazal or Nazam : Nazeer Banarasi
No comments:
Post a Comment