rah-e-ashiqi ke mare rah-e-am tak na pahunche
kabhi subah tak na pahunche kabhi sham tak na pahunche
mujhe mast agar bana de ye nigah-e-mast teri
mera hath kya nazar bhi kabhi jam tak na pahunche
mujhe apni bekasi ka nahi gham khayal ye hai
kaheen baat badhate badhate tere naam tak na pahunche
jo ye daur bevafa hai tera gham to mustaqil ho
wo hayat-e-ashiqi kya jo davam tak na pahunche
ye anokhi barhami hai ke na bhule se labon par
basabil-e-tazaqira bhi mere naam tak na pahunche
kaheen is tarah bhi ruthe na kisi se koi ‘yahya’
ke payam tak na aaye ke salam tak na pahunche
Poet of The Poem / Ghazal or Nazam :Yahya Jasdanwalla
No comments:
Post a Comment