Chehra Koi Bhi Aankh Mein Thehra Na Phir Kabhi.
Dil Ne Kisi Bhi Shakhs Ko Chaha Na Phir Kabhi…
Rootha Zara Si Baat Pe Uth Kar Chala Gaya.
Aisa Gaya K Laut k Aaya Na Phir Kabhi…
Kuch Youn Mila Tapaak Se Bus Ishq Ho Gaya.
Wo Ajnabi Tha?Kon Tha? Socha Na Phir Kabhi…
Us Ne Ba’tor Tohfa Diya Tha Libas-E-Hijr.
Pehna Jo Aik Baar Utaara Na Phir Kabhi…
Mohsin! Guzar Chuka Tha Had-E-Aitdaal se.
Jaanay Kahan Gaya Usay Dekha Na Phir Kabhi…
No comments:
Post a Comment