Hum Haar Gye Tum Jeet Gye

Hum Apney Aap Pey Bhi Zahir Kabhi Dil Ka Haal Nahii Kartey
Chup Rehtey Hain Dukh Sehtey Hain Koi Ranj O Malal Nahi Kartey

Hum Jo Kuch Han Hum Jaisey Hain Waisey Hii Dikhaii Daitey Hain
Chehrey Pey Bhabhoot Nahii Maltey Kabhi Kaaley Baal Nahi Kartey

Hum Haar Gye Tum Jeet Gye Hum Ney Khoya Tum Ney Paya
In Chotii Chotii Baaton Ka Hum Koii Khyaal Nahi Kartey

Teray Dewaaney Ho Jatey Khien Seharaaon Mein Khoa Jatey
Dewaar O Dar Mein Qaid Humien Agar Ehal O Ayaal Nahii Kartey

Teri Marzii Par Hum Raazi Hain Jo Too Chahey Wo Hum Chaahien
Hum Hijjr Kii Fiker Nahii Kartey Hum Zikar E Visaal Nahii Kartey

Humien Teray Siwa Is Dunya Mein Kisi Aur Sey Kya Laina Daina
Hum Sab Ko Jawaab Nahii Daitey Hum Sab Sey Sawaal Nahii Kartey

Ghazalon Mein Humarii Bolta Hai Wohii Kaanon Mein Ras Gholta Hai
Wohii Band Kavaarey Kholta Hai Hum Koii Kamaal Nahii Kartey