Woh Ishq Jo Hamse Roth Gaya Ab Us Ka Haal Batayen Kia
Koi Mehar Nahi Koi Qehar Nahi, Phir Sacha Sher Sunayen Kia
Ik Hijer Jo Ham Ko Lahaq Hai Taa-Dair Usay Duhraayen Kia
Woh Zehar Jo Dil Main Utaar Diya Phir Us K Naaz Uthayen Kia
Ik Gham-E-Tanhayee Jo Saaray Badan Main Phail Gai
Jab Jism Hi Sara Jalta Ho Phir Daman-E-Dil Ko Bachayen Kia
Ham Naghma Sera Kuch Ghazlon K Ham Suratger Kuch Khwaboon K
Yeh Jazba-E-Shoq Sunayen Kia Koi Khwab Na Ho Tu Batayen Kia
No comments:
Post a Comment