qadam insan ka rah-e-dahar mein tharra hi jata hai
chale kitna hi koi bachake thokar kha hi jata hai
nazar ho khvah kitni hi haqaiq-ashna phir bhi
hujum-e-kashmakash mein aadmi ghabara hi jata hai
khilaf-e-masalehat main bhi samajhata hun magar naseh
wo aate hain to chehare par tahayyur aa hi jata hai
havayen zor kitna hi lagayen aandhiyan banakar
magar jo ghir ke aata hai wo badal cha hi jata hai
shikayat kyon ise kahate ho ye fitarat hai insan ke
musibat mein khayal-e-aish-e-rafta aa hi jata hai
samajhati hain ma’al-e-gul magar kya zor-e-fitarat hai
sahar hote hi kaliyon ko tabassum aa hi jata hai
Poet of the Poem / Ghazal or Nazam : Josh Malihabadi
No comments:
Post a Comment