Khuda jane kahan hai ‘asghar’-e-divana barason se
ki us ko dhundhate hain ka’aba-o-butakhana barason se
tadapana hai na jalana hai na jalakar khak hona hai
ye kyon soi hui hai fitrat-e-paravana barason se
koi aisa nahi yarab ki jo is dard ko samajhe
nahi malum kyon khamosh hai divana barason se
hasinon par na rang aaya na phoolon mein bahar aayi
nahi aaya jo lab par nagma-e-mastana barason se
Poet of the Poem / Ghazal or Nazam : Asghar Gondvi
No comments:
Post a Comment