Kyun Khud Ko Beqaraar Kiye Jaarahi Hoon Mein
Kis Bewafa Ko Pyar Kiye Jarahi Hoon Mein
Aaya Kabhi Na, Aur Jo Na Ayega Phir Kabhi
Kyun Uska Intezar Kiye Jarahi Hoon Mein
Jo Kisi Wafa Ke Naam Se Bhi Ashna Nahi
Uspar Hi Jaan Nisaar Kiye Jarahi Hoon Mein
Poora Na Hoga Wada-E-Wafa Kabhi Magar
Danista Aitebar Kiye Jarahi Hoon Mein
Ankhoun Ko Ashkbaar Kiye Jarahi Hoon Mein
Usko Mein Bhool Jaoun Ye Mumkin Nahi Magar
Koshish Ye Baar Baar Kiye Jarahi Hoon Mein
Dena Naa Gair Ko Itni Jagah Qareeb Kabhi
Dil Tujhko Baar Baar Hoshiyar Kiye Jarahi Hoon Mein
Ruswa Hui Hoon Aaj Jiske Pyar Me Mein
Isko Bhi Sharmsaar Kiye Jarahi Hoon Mein
Share with us more Ruswai ashaar in Comments section below.
No comments:
Post a Comment