Chalo Ik Nazam Likhte Hain

Chalo Ik Nazam Likhte Hain,
Kisi Kay Naam Karte Hain,
Magar Ye Sochna Hai Ab,
K Us Main Zikar Kis Ka Ho?
K Us Main Baat Kis Ki Ho?
K Us Main Zaat Kis Ki Ho?
Aur Ye Bhi Farz Karte Hain,
K Jis Pe Nazm Likhte Hain,
Humain Us Se Muhabbat Hai,
Hamare Sary Jazbon Ko Bus Uski Zaroorat Hai,
Chalo Ik Kaam Karte Hain,
K Hum Jo Nazm Likhte Hain,
“Tumharey Naam” Kerte Hain,
Tum He Unwaan Ho Uska,
Tumhara Zikar Hai Is Main,
Tumhari Baat Hai Is Main.