Rangat Teri Zulfon Ki Gataon Nay Churayee
Khushboo Teray Aanchal Say Hawaon Nay Udaayee
Paimanay Ka Dil Toot Na Jayey To Kahoon Main
Hai Cheez Gazab Ki Jo Nigahon Nay Pilayee
Khushboo Teray Aanchal Say Hawaon Nay Udaayee
Qaidi Teri Zulfon Ka Hai Aazaad Jahan Say
Mujko Yeh Rihayee To Sazaon Nay Dilayee
Khushboo Teray Aanchal Say Hawaon Nay Udaayee
Maana Ki Baharon Nay Khilaaya Hai Gulon Ko
Ulfat Ki Kali Dil Mein Wafaon Nay Khilayee
Khushboo Teray Aanchal Say Hawaon Nay Udaayee
Tham-Tham Kay Barasna Kabhi Jham-Jham Kay Barasna
Saawan Ko Ada Yeh Meray Ashkon Nay Sikhayee
Khushboo Teray Aanchal Say Hawaon Nay Udaayee
Rangat Teri Zulfon Ki Gataon Nay Churayee
Khushboo Teray Aanchal Say Hawaon Nay Udaayee
No comments:
Post a Comment