hansane wale ab ek kam karen
jashn giriya ka ahatamam karen
hum bhi kar lain jo roshni ghar mein
phir andhere kahan qayam karen
mujh ko maharumi-e-nazara qabul
aap jalave na aap ke aam karen
ik guzarish hai hazarat-e-naseh
aap ab aur koi kam karen
aa chalen us ke dar pe ab ae dil
zindagi ka safar tamam karen
hath hatata nahi hai dil se ‘khumar’
hum unhen kis tarah salam karen
Poet of the Poem / Ghazal or Nazam :Khumar Barabankvi
No comments:
Post a Comment