Dil ka rona thik nahi hai muh ko kaleja aane do – Asar Lucknawi

Dil ka rona thik nahi hai muh ko kaleja aane do
thamate hi thamate ashk thamenge naseh ko samajhane do
kahate hi kahate hal kahenge aisi tumhen kya jaldi hai
dil ko thikane hone do aur aap mein hum ko aane do
bazm-e-tarab mein dekh ko mujh ko pher li aankhen saqi ne
mere liye the zeher halahal is ke bhare paimane do
khude se gireban phatate the aksar chak hawa mein udate the
ab ke junun ka josh nahi hai aayi bahar to aane do
yadi dil gumgushta mein thandi aahen bharata tha
hans ke sitamgar kehta kya hai bat hi kya hai jane do
dil ko ‘asar’ ke lut liya shokhnigah ik kafir ne
koi na is ko rone se roko aag lagi hai bujhane do

Poet of the Poem / Ghazal or Nazam : Asar Lucknawi