Wo sahilon pe gane wale kya hue
wo kashtiyan jalne wale kya hue
wo subah aate aate reh gai kahan
jo qafile the aane wale kya hue
main jin ke reh dekhata hun raat bhar
wo roshni dikhane wale kya hue
ye kon log hain mere idhar udhar
wo dosti nibhane wale kya hue
imaraten to jal ke rakh ho gain
imaraten banane wale kya hue
ye aap hum to bojh hain zamin ka
zamin ka bojh uthane wale kya hue
Poet of the Poem / Ghazal or Nazam : Nasir Kazmi
No comments:
Post a Comment