Dono jahan teri mohabbat mein har ke
wo ja raha hai koi shab-e-gam guzar ke
viran hai maikada khum-o-sagar udas hai
tum kya gaye ke ruth gaye din bahar ke
ik fursat-e-gunah mili, wo bhi char din
dekhe hain hum ne hausale parvar-digar ke
duniya ne teri yaad se begana kar diya
tujh se bhi dil fareb hain gham rozagar ke
bhule se muskura to diye the wo aj ‘faiz’
mat puch val-vale dil-e-na-kardakar ke
Poet of the Poem / Ghazal or Nazam : Faiz Ahmed Faiz
No comments:
Post a Comment