Teri zad se nikalana chahata hai
ye dariya rukh badalana chahata hai
wo sapana jis ke surat hi nahi hai
meri aankhon mein chalana chahata hai
dilon ke mandagi pe kya ta’ajjub
ki suraj bhi to dhalana chahata hai
nashist-e-dard badali hai to ab dil
zara pehlu badalana chahata hai
mujhe bhi samana hai karbala ka
mera sar bhi uchalana chahata hai
nahi hai tarjuman-e-gam ye aansu
ye pani ab ubalana chahata hai
tabassum zer-e-lab kehta hai ‘amjad’
koi jazba machalana chahata hai
Poet of the Poem / Ghazal or Nazam : Amjad Islam Amjad
No comments:
Post a Comment