Vafaa Ke Khvaab Muhabbat Kaa Aasara Le Jaa
Agar Chalaa Hai To Jo Kuchh Mujhe Diyaa Le Jaa
Maqaam-E-Suud-O-Ziyaan Aa Gayaa Hai Phir Jaanaan
Ye Zakhm Mere Sahii Tiir To Uthaa Le Jaa
Yahii Hai Qismat-E-Saharaa Yahii Karam Teraa
Ki Buund Buund Ataa Kar Ghataa Ghataa Le Jaa
Nadaamaten Hon To Sar Baar-E-Dosh Hotaa Hai
‘Faraz’ Jaan Ke Evaz Aabaruu Bachaa Le Jaa
No comments:
Post a Comment